55 jaor aod-Prinse
In 2025 veertj de Prinsegarde, de club van aod-Prinse van KV De Piepkukes, een bi-jzongere mijlpaal. Afgeloupe weekend woort met Prins Job I de 55e Prins oetgerope. Ut jubileum stiêt symbool vör 5 x 11 jaor rieëke vastelaovesstradisie in d'Indj en onderstreeptj de hechte bandj vanne gemeinschap. Um dees geleegeheid te veere, heet de Prinsegarde ein blievendj ieërbetoeên in ut laeve gerope: de ‘Prinselikke Boumroute’.
Ein initiatief van verbinging
Ut initiatief weurtj umermdj door alle aod-Prinse. Kertrekker en Prinsegarde-veurzitter Jos Thijssen: “Dit project symboliseertj de verbinging van ut verleje mette toekomst. Edere boum stieët vör unne aod-Prins en vormtj ein bliêvendje herinnering aan hun bi-jdrage aane gemeinschap. Ter ieëre vanne 55e prins realisere vae ein project det neet allein tradisies in stand hiltj, mer ouch cultuur, natuur en educatie ein belangriêke plek gaeft.’’
Samewerking
Ut project weurtj ondersteundj vanoet Stichting Gries Hej WindFonds en ut laefbaarheidsfonds vanne gemeindje Ni-jwieërt. Steun vanoet dit fonds es meugelik umdet ut initiatief nouw aansloetj bi-j verschillendje aspecte van laefbaarheid zoê weej cultuur, educatie, beweging en gemeinschapszin. Ein schoeën en extra gegaeve es det ut project ouch bi-jdraagt aan ein greunere en gezongere laefumgaeving. Veurrzitter Jos Thijssen: ‘’Ich bin regisseur laefbaarheid Lilian Kwaspen en vakspecialist groen & grijs Tim Schreurs vane gemeindje Ni-jwieërt dankbaar vör hun enorme inzet um dit same gerealiseerdj te kriege.’’
Laefbaarheid
Gedeurendje 2025 waertj de volledige route met nôwe en bestaondje buim gerealiseerdj. Naeve de route beeje QR-codes digitale informasie over de buim, waat inzicht en begrip rond natuur en milieu vergruutj en jonk en aod oetnudigtj um in beweging te kome. De jaorlijkse ceremonie rondj het plante van eine nôwe boum versterktj de saamhorigheid en betrokkeheid van inwoêners. Kortom, ein inspirerendj project det bi-jdraagtj aane laefbaarheid in d'Indj en det alle Prinsen een blievendje en zichtbare plek in ut dörp gaeft!
01 Prins Sjef I
02
03
04
05
06
07
08
09
10
11
45
46
47
48
49
50 Prins Iwan I
51 Prins Sander I
52 Prins Ruud I
53 Prins Bob I
54 Prins Ruud II
55 Prins Job I